அது
"அது"
ஒரு நிர்வாணக் கவிதை.
உதிர்ந்த பனி பூக்களினால்
நெய்யப்பட்ட பார்வை.
நினைவுகளில் மின்னல்
இதயத்தில் வசந்தம்
நிர்மூலம் நிரந்தரமாகின்றது
'அது' வின் வாழ்க்கைப் பிரதேசத்தில்!
மனம் நிர்வாணம்
மழை நிர்வாணம்
வானம் நிர்வாணம்
சுவாசம் நிர்வாணம்
ஆம் 'அது' வும் தான்!
சுவடுகளில் முகடுகள்
தேடியே ஒரு சொர்க்கம்
ஓட்டைப் பந்தலில் ஒட்டடை வானம்
பார்த்தே வாழ்க்கை
கனவுப் பள்ளத்தாக்கில்
கற்பூரமாய் ஞாபகங்கள்.
ஒற்றைப் பனையோரம்,
ஒளிந்திருக்கும் மலையோரம்,
ஆற்றுக்கரையோரம்
அதன் முகம்
என்றுமே
நிர்வாணத்தின் நிர்வாணமாய்!
ஆம்
'அது'
ஆழ்மனதின் ஆதங்க வெளிப்பாடு!
(1997)
posted by முரளிதரன் @ 8:38 PM
0 comments
